35 லட்ச ரூபாய் முறைகேடு...? "தினேஷ் மாஸ்டர் பதவி விலகனும்"..கொந்தளித்த சங்க உறுப்பினர்கள்!

சென்னை :தமிழ் திரையுலகில் பரபரப்பை ஏற்படுத்தியுள்ள ஒரு சம்பவம் ஒன்று நடந்துள்ளது. அது என்னவென்றால், நடன இயக்குனர்கள் சங்கத்தின் தலைவரான தினேஷ் மாஸ்டர் மீது எழுந்த குற்றச்சாட்டுகள் தொடர்பானது. ‘லியோ’ திரைப்படத்தில் 35 லட்சம் ரூபாய் முறைகேடு செய்ததாகவும், தனது பதவியை தவறாகப் பயன்படுத்தி ஃபைட் மாஸ்டராக மாறியதாகவும் சங்க உறுப்பினர்கள் குற்றம்சாட்டியுள்ளனர். இந்த குற்றச்சாட்டுகள், சங்கத்திற்கு உள்ளேயும் வெளியேயும் பெரும் சர்ச்சையை கிளப்பியுள்ளது.

இதனை அடுத்து, தினேஷ் மாஸ்டருக்கு எதிராக சங்க உறுப்பினர்கள் ஒன்றிணைந்து சட்டப் போராட்டத்தை தொடர உள்ளதாகவும் அறிவித்துள்ளனர். இந்த சம்பவம் தமிழ் திரையுலகில் நடன இயக்குனர்கள் மத்தியில் ஒரு புயலை கிளப்பியுள்ளது. 'லியோ’ திரைப்படத்தில் நடன இயக்குனராக பணியாற்றிய தினேஷ் மாஸ்டர், 35 லட்சம் ரூபாய் அளவுக்கு நிதி முறைகேடு செய்ததாக குற்றச்சாட்டு எழுந்துள்ளது. அதே சமயம், தினேஷ் மாஸ்டர் கனடாவைச் சேர்ந்த ஒரு நடனக் கலைஞரைத் தாக்கியதாகவும், இதனால் நடன இயக்குனர்கள் சங்க உறுப்பினர்கள் கடும் எதிர்ப்பு தெரிவித்து வருவதாகவும் X தளத்தில் பதிவுகள் வெளியாகியுள்ளன.

சங்க உறுப்பினர்களின் கூற்றுப்படி, தினேஷ் மாஸ்டர் தனது செல்வாக்கை பயன்படுத்தி, படத்தின் நடன இயக்கத்திற்கு ஒதுக்கப்பட்ட நிதியை தவறாக கையாண்டதாகவும், இதனால் மற்ற நடன இயக்குனர்களுக்கு உரிய பங்கு கிடைக்கவில்லை என்றும் தெரிவிக்கப்பட்டுள்ளது. மேலும், இந்த முறைகேடு தொடர்பாக ஆதாரங்கள் உள்ளதாகவும், இதனை வெளிப்படுத்துவதற்காக சங்க உறுப்பினர்கள் ஒன்றிணைந்து போர்க்குரல் எழுப்பியுள்ளனர். இந்த குற்றச்சாட்டு தினேஷ் மாஸ்டரின் நற்பெயருக்கு பெரும் களங்கத்தை ஏற்படுத்தியுள்ளது.

தினேஷ் மாஸ்டர், நடன இயக்குனர்கள் சங்கத்தின் தலைவராக இருந்தவர், திடீரென ஃபைட் மாஸ்டராக மாறியது மற்றொரு பெரும் சர்ச்சையை கிளப்பியுள்ளது. நடன இயக்குனர்கள் சங்கத்தின் உறுப்பினர்கள், இந்த மாற்றத்தை தவறான முன்னுதாரணமாக பார்கிறார்கள். அவர்கள் கூறுகையில், தினேஷ் மாஸ்டர் தனது பதவியை பயன்படுத்தி, ஃபைட் மாஸ்டர்கள் சங்கத்துடன் தொடர்பு இல்லாமல், அவர்களுக்குரிய வாய்ப்புகளை பறித்ததாக குற்றம்சாட்டியுள்ளனர். இது, நடன இயக்குனர்கள் மற்றும் ஃபைட் மாஸ்டர்கள் இடையே ஒரு மோதலை உருவாக்கியுள்ளது. இதனால், சங்க உறுப்பினர்கள் மத்தியில் கடும் அதிருப்தி நிலவுகிறது.

மேலும் நடன இயக்குனர்கள் சங்க உறுப்பினர்கள், தினேஷ் மாஸ்டரின் செயல்களுக்கு எதிராக கடும் எதிர்ப்பை தெரிவித்து, சட்ட ரீதியாக நடவடிக்கை எடுக்க உள்ளதாக அறிவித்துள்ளனர். இந்த விவகாரத்தில், அவர்கள் தினேஷ் மாஸ்டரை சங்கத்திலிருந்து நீக்க வேண்டும் என்று கோரிக்கை விடுத்துள்ளனர். மேலும், ‘லியோ’ படத்தில் நடந்த முறைகேடு குறித்து விசாரணை நடத்த வேண்டும் என்றும், இதற்கு பொறுப்பானவர்கள் மீது நடவடிக்கை எடுக்க வேண்டும் என்றும் வலியுறுத்தியுள்ளனர்.